Синф доскаларини таъмирлаш ва бўр сотиб олиш маҳаллий ҳокимликлар маблағлари ҳисобидан амалга оширилади
❓Савол:
Мактаблардаги синф доскаларини таъмирлаш қай тартибда ташкил этилади?
✅Жавоб:
Ўзбекистон Республикаси Президентининг 2022 йил 11 майдаги “Мактабгача ва мактаб таълимини ривожлантиришга оид қўшимча чора-тадбирлар тўғрисида”ги ПҚ-241-сон қарорида Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари зиммасига:
➡️ ҳудуддаги мактабгача ва мактаб таълими муассасаларининг моддий-техник базасини мустаҳкамлаш ҳамда уларнинг инфратузилмасини яхшилаш;
➡️ мактабгача ва мактаб таълими муассасалари ҳудудининг ва кўчмас мулкининг бутунлигини ҳамда дахлсизлигини белгиланган тартибда таъминлаш вазифалари қўйилган.
☝️Эслатма ўтамиз, Ўзбекистон Республикасининг “2020 йил учун Ўзбекистон Республикасининг Давлат бюджети тўғрисида”ги Қонуни 21-моддасида умумтаълим мактаблари ҳамда мактабгача таълим ташкилотларининг IV гуруҳ харажатлари тегишли туман ва шаҳарлар бюджетлари ҳисобидан молиялаштирилиши белгиланган.
❗️Шунга мувофиқ, умумтаълим муассасалари раҳбари маҳаллий ҳокимликлар томонидан умумтаълим муассасаларини моддий-техник базасани мустаҳкамлаш учун ажратилаётган тегишли маблағлар ҳисобидан синф доскаларини таъмирлаш ва бўр сотиб олишни таъминлайди.