(Ўзбекча) Alifbe bayrami senariy

Бубахшед, ин ришта танҳо дар дастрас аст Ўзбекча For the sake of viewer convenience, the content is shown below in the alternative language. You may click the link to switch the active language.

ALIFBE bayrami senariysi

  1. Boshlovchi: Assalom mehmonlar mo‘tabar suyuk

Assalom ustozlar, nomlari buyuk

2-Boshlovchi:  Assalom otalar, baxtim posboni

Assalom onalar, fidoyi joni

 

1-Assalom, balajon iqboli porloq. Bugun ilk  bayramga yetishgan quvnoq

2-Sizlarga aytayin bir shirin tilak. Savodxonlik bayrami bo‘lsin muborak

– Assalomu alaykum aziz, mo‘tabar, muhtaram ota-onalar, ustozlar o‘quvchilar!

2- Barchangizni bugungi dilbandlaringizning shodligi-yu quvonchi  bo‘lgan savodxonlik  bayrami bilan  chin qalbdan tabriklaymiz.

1- Sizlarga uzoq-umr,  bolajonlarga baxtli  davron porloq tole, nurli  kelajak tilaymiz.

2- Endi esa ana shu tantanani  ochish, yoshlarni qutlash uchun so‘zni  maktabimiz direktoriga beramiz.

1-Keling azizlar endi bolajonlarimiz sizga o‘z bilim va san’atlarini nomoyish qilsalar siz miriqib  tomosha qilsangiz.

 

Madhiya

 

2-Ayting qani azizlar

Baxtiyor  o‘g‘il qizlar

Nechun  keldik bu yerga

Nechun bor yosh ko‘ngilda?

 

1-o‘qituvchi:       Bugun bizga zo‘r quvonch

Yurakka shodlik to‘lgan

Savodxonlik bayrami

Bizni bunga keltirgan

1- Qanday qilib savodxon

Bo‘lib oldingiz chunon?

 

2-o‘quvchi:                  Alifbe bo‘ldi sirdosh

Ilm yo‘lida yo‘ldosh

Sochdi ziyo nurini

Bo‘lib misol quyosh

 

3-o‘quvchi:                  Alifbeni chaqirsak

Baravar qarsak chalsak

Kelar bizga mehmonga

Shu ajoyib makonga

 

Hamma:             Alifbejon kelaqol

Bizga mehmon bo‘laqol

(Alifbe kirib keladi)

 

Alifbe:                 Assalom  bolajonlar

Aqli soz  bilag‘onlar

Bugun shodlik  muborak

Savodxonlik muborak

 

Bolajonlar:        Raxmat senga Alifbe

O‘zing berding barini

 

 

 

 

Alifbe:                 Ayting nelar bildingiz

Ne sirlar o‘rgandingiz

Menga sovg‘a bo‘lsin deb

Nelar tayorladingiz?

 

4-o‘quvchi:                  Chiziqchalar chizishni

O‘qishni va yozishni

Husnixat-u qiroat

Sendan o‘rgandik faqat

 

Alifbe:                 Qani ayting nechta harf

Nechta tovush bor menda

 

5-o‘quvchi:                  29 harf bildik

30 tovush bor senda

 

Alifbe:                 Qani harflar so‘zlasin

Tartib bilan tizilib

Bolajonlar so‘zini

Eshitoy maza qilib

(Harflar chiqadi)

 

 

  1. Asal shifo deydilar

Asal davo deydilar

Shuning uchun dardlilar

Doim asal yeydilar

 

  1. Botir baliq ovladi

Bankasiga joyladi

Bobomga beraman deb

Kattasini sayladi.

 

  1. Damin dalaga chiqib

Dov-daraxtga qaradi

Bobosidan o‘rganib

Bog‘ yaratmoq istadi

 

  1. Ergash, Erkin, Erali.

Erta, turib yugurdi

Endi qolishmas Vali

Uyqusini do‘ndirdi.

 

  1. Farxod, Farida, Farrux

Tortar damba-dam oh-uh

Til rasmini chizolmay

Chekishadi g‘am anduh

 

  1. Gulzor oralab Gulnoz

Gullar teradi asta

Mehrini qo‘shib dildan

Yasadi zo‘r guldasta

 

  1. Hali-hali ko‘rasiz

Halimaning holini

Qorin ushlab kulasiz

Uning ochgan polini

 

  1. Itim bor nomi bo‘ynoq

Qop-qora, yuz-bo‘yin oq

Irillab izimda u

Bo‘laylik deb do‘st-o‘rtoq

 

  1. Jo‘ja boqar Jamila

Sariq, qora ola-bula

Jo‘jalarni ichida

O‘zi doim ovora

 

  1. Karim kaklik, kakkuning

Rasmini chizib keldi

Kitobdagi suratni

Bildirmay yirtib keldi.

 

  1. Layli, Laylo, Lobarxon

Juda  qalin uchovlon

O‘yin o‘ynar ayrilmay

Bo‘lib dildan qadrdon

 

  1. Moshvoy malla mushugum

Oftob ko‘rsa quvonar

Tirnab uyning eshingin

Hovlida ko‘zi yonar

 

  1. Nondir aziz zo‘r ne’mat

Bobolar qadrlang der

Nonni aylagan hurmat

Nondek aziz bo‘lar bil

 

  1. Oydinda Oydin, Oygul

Oymomoga termuldi

Ayt, qaysimiz oqil deb

Oyga xo‘p savol berdi.

 

  1. Paxta, paxta, paxtajon

Sen bilan to‘lsin xirmon

Kiyim  kechak yog‘-bo‘yoq

Sendan bo‘lar begumon

 

  1. Qodir, Qosim qalin do‘st

Qorbo‘ron o‘ynadilar

Qarbobo yasab tunda

Savg‘a tayyorladilar

 

  1. Rassom rasm chizadi

Raqqosa raqs tushar

Raketa yasasam ayt

Unda  qay batir uchar

 

  1. Salim soat so‘radi

Sabohat dedi qara

Asta qo‘lin uzatdi

Yurib qolsa deb zora

 

  1. Tursunboyning tovug‘i

To‘qqizdan oshib ketdi.

Tursunoyning  jo‘jasi

Unga qo‘shilib ketdi.

 

  1. Uzum, behi, olmasi

O‘zim ekkanman aka

Bugun bog‘da hammani

Chaqirayin yemakka

 

  1. Vali varrak yasabon

Ko‘kka uchirdi chunon

Vasilaning varragi

Boland uchar begumon

 

  1. Xolbek, Xalil, Xotamning

Xolnisa xolasi bor

Adashtirmang Adhamning

Aziza ammasi bor

 

  1. Yo‘lchi, Yo‘ldosh kitobga

Mehr bergan a’lochi

Yo‘q demasdan birovga

Yo‘l ko‘rsatar yo‘lboshchi

 

  1. Zarifaning zo‘ntigi

Buzilib qoldi tezda

Zokir uni tuzatib

Rahmat eshitdi qizdan

 

O‘                        O‘rik o‘g‘irlab bog‘dan

O‘rinboy qochib qoldi.

Oldidan chiqqach bog‘bon

Lol, hayron shoshib qoldi.

 

G‘                        G‘ani, G‘ulom g‘ildirak

Dumalatar tinmayin

Onasi bo‘lib halak

O‘qing deydi kunma-kun

 

Sh.                       Shalolaxon, shalola

Ayt bu rayhonmi lola

Tabiat zo‘r yaratgan

Qizil yoqut piyola

 

  1. Charos, Chaman, Chinnigul

Childirmani chaladi

Eshitsa qizlar butkul

O‘ynagani keladi.

 

Ng                       Bodring, ko‘ngil, singilda

Ng ni qo‘shib o‘qiymiz

Alifbening oxiri

Endi shunda to‘xtaymiz

 

(Ota-onanalarga so‘z)

 

Alifbe: Barakalla, yana nelar

O‘rgandingiz bilgim kelar?

 

 

O‘quvchi:                     Ona, vatan, Mustaqillik

Kitob, maktab, ustoz barin

Maqol, topshmoq tez ayrish

O‘rgandik biz shular sirin

 

Qo‘shiq:  Onajon

 

She’r:  Vatan

 

Vatan

 

Mening ozod makonim

Gullagan chin maskanim

O‘zbekiston atalgan

Xazon bo‘lmas chamanim

 

Bobolarim sevgan el

Momolarim bilgan el

Ajdodlari ardoqli

G‘urur bilan to‘lar dil

 

Mustaqil bo‘lding bugun

Ketdi yurakdan tugun

Olmamga dong‘i ketgan

Diyorsan baxti butun

 

Qo‘shiq:     Mustaqillik

 

Kuzning ilk kuni

Yurtimda bayram

Unutmas uni

Barcha shod-xurram

 

(1 sintabr-Mustaqillik kuni yozuvi)

Dono yurtboshi

Odil yo‘lboshchi           (president rasmi Gerb huma qushi )

Xumo  boshimda

Nurini sochdi

 

Bayrog‘im baland         (O‘zbekiston bayrog‘i  madhiyasi olib chiqiladi)

Hilpirar doim

Madhiyam kuylab

Kutayin tongim

 

Tegmasin ko‘zlar

Yurtumga deyman

Baxtini ko‘zlab

G‘amini yeyman

 

(Ota-onalar so‘z)

 

She’r kitobim-oftobim

 

Bilim-u saboq

Harni qorayu oq

Tilsimu jumboq

O‘rgatgan oftob

Kitob-bu kitob

 

Tarixi-u o‘tmish

Bahor, yozu qish

Sharafu olqish

Ko‘rsatgan shu tob

Kitob-bu kitob

 

Bobolarim kim

Momolarim kim

Nedan bu faxrim

Ketmasin baxtim

Ayrolgan shut ob

Kitob-bu kitob

 

1-Boshlovchi:      Yana lapar, yallalar

Yangrating shod pallalar

Qarang davra qizidi

O‘ynaydigan pallalar

 

Lapar:                 Arka qizlar choqqonlashib galinglar

Go‘rali bu to‘yning tomoshosini

Shu to‘ylarda yaxshi hizmat  atinglar

Hamma go‘sin to‘yning tomoshosini

 

Qarindosh-do‘g‘onlar atinglar hizmat

Dunyoda bo‘lg‘aysiz sog‘u-salomat

Mudom shu  joylarga yog‘ilg‘ay davlat

Go‘rali bu to‘yning tomoshosini

 

 

Erka qizlar qizil gulday ochilsin

Xon atlasdan qo‘sha ko‘ylak bichilsin

Go‘rgan hayron qolib og‘zi ochilsin

Go‘rali bu to‘yning tomoshosini

(o‘yin bilan)

(Ota-onalarga so‘z)

 

2-Boshlovchi:      Ha, aziz mehmonlar bizning yoshlarimiz haqiqiy xorazmliklar

san’atsevar bolalari qarang hazil-huzil ham  joyida.

 

Chipra dalli:       Qaqrada gumri in atar

Chipra dalli-dalli

Ushlab olsam kima yetar

Chipra dalli-dalli

 

Otiz dadim, chel dadim

Chipra dalli-dalli

Katmon dedim, bel dedim

Chira dalli-dalli

 

Chipra dalli-dalli ey

Chipra dalli-dalli

 

Hay-hay damaka galdim

Chipra dalli-dalli

Qaymoq yemaka galdim

Chipra dalli-dalli

 

Qaymoq bohona atib

Chipra dalli-dalli

Sani go‘rmaka galdim

Chipra dalli-dalli

 

Chipra dalli-dalli ey

Chipra dalli-dalli

 

1-Boshlovchi:      Yana siz o‘zingiz sevgan asar, uning sizga yoqqan tomonlarini ham ko‘rsatishga qodirsiz.  Aql boylik (ertak)ni sahnalashtirish

(Ota-onalar so‘z)

2-Boshlovchi:      Baxtli bolalalik bizda

Baxtiyor o‘g‘il qizda

Tinchlik bo‘lsa elimda

Kiramiz omon yuzga

Qo‘shiq “Bu juda soz”

1 o‘quvchi chiqib “Ona allasi” rivoyatini aytadi.

(1 baddan 3 xil ashula aytilib keyin alla aytiladi)

 

1-qo‘shiqchi:                Ey Sultonim aziz boshing

Omon bo‘lsin omon bo‘sin

So‘nmasin oyu quyoshing

Senga baxtli davron bo‘lsin

 

2-qo‘shiqchi:                Oling qo‘la toringiz

Kuylang dilda boringiz

Sovg‘a bo‘lsin sultonga

Har na dilda borimiz

 

3-qo‘shiqchi:                Ho, yalla yallo

Jamalagi tillo

Bozor boradi qizgina

Do‘ppi oladi qizgina

Nozu qarashma bilan

Do‘ppi kiyadi qizgina

 

Oxirida bir keksa kapir olib  kelinadi.

 

Senga qo‘ydim yaxshi ot

Uxla bolam allayo

Yaxshi niyatdir murod

Arka bolam allayo

Yurtga elga suyansang

Alla bolam allayo

Senga bo‘lar zo‘r qanot

Uxla qo‘zim allayo

Yolg‘iz otning changi yo‘q

Bilgil qo‘zim allayo

Changi bo‘lsa dong‘i yo‘q

Uxla bolam alla

Ozod yurtning egasi

Arka qo‘zim allayo

Obod uylar to‘rasi

Ko‘rar ko‘zim alla

Unib o‘sib ulg‘ayib

Sulton bo‘lg‘il alla

Armon bilmay o‘ksimay

Davron surgin alla

“Latifalar”

(Ota-onalar so‘z)

 

Qo‘shiq Ustozim

 

Ushlab qo‘limdan

Ilm yo‘limdan

Boshlagan so‘zin

Mening ustozim

Onam kabi bosh

Mehri bir quyosh

Erkalar qizim

Mening ustozim

 

Harfu so‘zlarni

Nurli izlarni

Sevib bizlarni

Atagan qo‘zim

Mening ustozim

Egib oshimni

Tilab yoshini

Qilayin yoshini

Dono ustozim

 

Raqs:          Yigitlar ijrosida

Keyin maqol, topishmoq va tez aytishlar aytiladi.

 

Alifbe:                 Barakalla donolarim

Ishlari zo‘r a’lolarim

Endi men ham yo‘l berayin

Shunday sovg‘a qilayin

(O‘qish, ona tili kitoblari kirib kaladi)

 

 

O‘qish:                Assalom bolajonlar

Ilmga chanqoq bolalar

Endi menga qo‘l bering

Bo‘ling zo‘r bilag‘onlar

Aytib turli rivoyat

So‘zlab meng  bir hikmat

Aqlingizni charxlayman

Ma’rifatga chorlayman

 

Ona tili:               Men ham sizga do‘st bo‘lay

Qolgan kamu ko‘st bo‘lay

Harf, tovush, unli undosh

Barin puxta o‘rgatay

Husnixat, bayon, insho

Menla  bo‘lsangiz oshno

O‘rgataman yurakdan

Do‘st bo‘laman doimo

 

1-Boshlovchi:               Azizlar mana farzandlaringizning sizga atagan sovg‘alari ham nihoyasiga yetib qoldi.

 

2-Boshlovchi:               Biz  bolajonlarga ularning ustozlariga rahmatu tashakkurlar aytib qolamiz

 

 

1-O‘quvchi:                  Amir Temur izlari bor

Navoiyning so‘zlari bor

Nodiraday qizlari bor

Buyuklarning Vatani bu

Suyuklarning Vatani bu

O‘zbekiston nurli bo‘ston

Elga doston elga doston

 

2-O‘quvchi:                  Bobur kabi shoh-shoiri

Sino kabi malham dori

Manguberdi bahodiri

Ulug‘larning Vatani bu

Qutlug‘larning Vatani bu

O‘zbekiston nurli bo‘ston

Elga doston, elga doston

 

3-o‘quvchi:                   Og‘abeki yangratsa soz

Abdullasi ayta she’r so‘z

Gavhar qilsa gar noz

Buyuklarning Vatan bu

Suyuklarning Vatan bu

O‘zbekiston nurli bo‘ston

Elga doston, elga doston

 

4-o‘quvchi:                   Gulla yashna aziz diyor

Bag‘ring bo‘lsin doim bahor

Baxtingga ko‘z tegmas zinhor

Buyuklarning vatan bu

Suyuklarning  chamani bu

O‘zbekiston nurli bo‘ston

Elga doston, elga doston

 

  1. Bobolarday oqil bo‘lishga
  2. Yurtboshimday yurtni sevishga

3.Vatanimni ko‘zday saqlashga

  1. Xalq ishonchin dildak oqlashga

5.Ustozlar o‘gitin dildan oqlashga

6.Yaxshi yomon ishni bilishga

7.Ona yurtga kerak bo‘lishga

8.Doim ulug‘ ishlar qilishga

  1. Onam sutin dildan oqlashga
  2. Kerak bo‘lsa jonim berishga

 

Hamma:                       Qasamyod qilamiz

Qasamyod qilamiz

Qasamyod qilamiz

 

O‘qituvchi so‘zi bilan yakunlanadi.

(Visited 444 times, 1 visits today)
Понравилось? Пожалуйста поделитесь с друзьями.
Comment

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!:

Matn nusxasini olish taqiqlanadi! Shaxsiy ehtiyoj uchun kerak bo'lsa, telegram: @sadikovuz