Savol: Menga uy ta’limi xaftasiga 1 soat dars berishdi. Umuman uy talimiga qanday tulashadi. Ularga aloxida reja tuzish kerakmi? Kundalik komga qanday yozish kerak?
YURIST JAVOBI:
Vazirlar Mahkamasining 2021 yil 12 oktabrdagi 638-son qaroriga 2-ilovada tasdiqlangan Jismoniy, aqliy, sensor yoki ruhiy nuqsonlari bo’lgan bolalar uchun davlat ixtisoslashtirilgan ta’lim muassasalari to’g’risida Nizomning 18-bandiga ko’ra O’quv rejasidagi haftalik soatlar miqdori:
➖ 1 — 4-sinflar uchun 8 soat,
➖ 5 — 9-sinflar uchun 10 soatni,
➖ 10-11-sinflar uchun 12 soatni tashkil qiladi.
☝️Bunda dars jadvali haftasiga kamida uch kunga moslab tuziladi.
Shuningdek, dars mashg’ulotlarida o’quvchining olgan baholari ushbu Nizomga 4-ilovada keltirilgan shaklga muvofiq har bir fan bo’yicha alohida yuritiladigan baholash daftariga qayd etib boriladi.
O’quvchining baholash daftariga qo’yilgan baholar o’quvchi ro’yxatda turgan maktabning sinf jurnaliga yoki o’quvchilarning davomati va o’zlashtirishini hisobga olish elektron tizimiga kiritib boriladi.
Mazkur nizom hamda “Umumta’lim muassasalarida sinflarni komplektlash hamda tarifikasiya ro’yxatlarini shakllantirish tartibi to’g’risida”gi nizom (ro’yxat raqami № 3271)ga muvofiq, yakka tartibda o’tiladigan darslar o’qituvchiga tarif asosida biriktiriladi.
💁♂️ SHu bilan birga nizom (VM 638-son qaror) 33-bandiga ko’ra o’quvchiga ta’lim berayotgan o’qituvchilarga belgilangan tartibda qo’shimcha haq va yo’l haqi kompensasiyasi to’lanadi.
Endi qarang! Uyda ijtimoiy yordam xizmati xodimlari hamda nogiron bolalarni uyida o’qitganlik uchun umumta’lim maktablarining o’qituvchilariga yo’l haqi kompensasiyasi tayinlash va to’lash tartibi to’g’risidagi Nizomga (ro’yxat raqami 2435) asosan maktab o’qituvchilariga – maktabdan o’qitilayotgan o’quvchining yashash joyigacha kamida 1,5 kilometr masofa bo’lganda uyda o’qitilayotgan bir nafar o’quvchi uchun bazaviy hisoblash miqdorining 100 foizi miqdorida kompensasiya tayinlanadi.
Hozirgi kunda bazaviy hisoblash miqdori – 330 000 so’mni tashkil etadi.
✅ Shunga ko’ra sizga ham har oy qo’shimcha 330 ming miqdorda kompensasiya to’lanadi, agar yakka tartibdagi o’quvchining uyi maktabdan 1.5 km va undan ko’p uzoqlikda joylashgan bo’lsa.