Alifbe bayrami tadbir senariy

Zal bayramona ruhda bezatilgan:

Zalga 4- sinf o’quvchisi  kirib kelib, bayram dasturini boshlaydi.

– Osmon uzra kamalak
Eshiting qiziq ertak
Bor ekan bir majmua
Sergeli tumanida
Rahbari Xamit ota –
Bag’ri keng, ko’ngli toza
Qo’l ostida ishlarkan
Ustozlar, murabbiylar
Tinmay mehnat qilarkan
Majmuada barchalar.
Shu majmua qoshida –
Gavxar opa bag’rida
O’qir quvnoq o’g’il-qiz
Misoli ko’kda yulduz.
A’lo o’qish, yozishga
Sarf etarlar bor kuchin.
Ustozlari mehnatin
Oqlash ularning burchi.
Bugun bayram, tantana
“Savodxonlik” kechasi
Olgan bilim, o’gitin
Ko’rsatarlar barchasi.
To’g’ri o;qish, yozishni,
Ham qo’shish, ayirishni,
Sher aytish va kuylashni,
Intizomli bo’lishni
O’rgandilar uch oyda
Har bir qiz-o’g’il bola.
Ushbu kun ularning barchasi
Mo’jiza yaratarlar,
Barchani o’zlariga
Lol qilib qaratarlar.

«А ну-ка, девочки!» сценарий

– Azizlar, kelinglar sizlarning qarsaklaringiz ostida majmuamizning, ya’ni, bizning davomchilarimiz bo’lgan – 1-“A” sinfining “Savodxonlik” bayramiga taklif qilsak.
– Marhamat!

Qarsaklar ostida 1-“A” sinf o’quvchilari zalga kirib kelib,
o’z joylarini egallaydilar.

– Xonzoda
– Bugun qarang majmuamiz,
Bezanibdi yana ham go’zal.
Bugun bayram, katta tantana,
Barchamizga to’y shodiyona.
– Zarina
– Bugun do’stlar savodxonlik bayrami
Shodlik bilan o’tsin elim har dami.
O’zbek elim – bolajon el, tanti el,
Xizmat qilay to’ylarida bog’lab bel.
– Xonzoda
Bugun esa maktabda
Juda katta tantana
Bilimini namoyish
Qiladi har bir bola.
– Zarina
Ustozlar o’gitin,
Dilimizga joyladik.
Dilda hayajon bilan,
Bayramimizni boshladik.
Musiqa yangrab, qarsaklar chalinadi.
– Zarina
– Katta-kichik barchangizga,
Yo’llagaymiz biz salom,
Ta’zim sizga, hurmat sizga,
Deymiz salom-assalom.
– Xonzoda
– Xush kelibsiz ey aziz,
O’qituvchi, ustozlar.
Onajon-otajonlar,
Avvalo hammangizga
Assalomu-alaykum!
– Zarina
Ijozatingiz bilan bugungi bayramimizni “ochiq” deb e’lon qilamiz
Madhiya yangraydi.
Kichik guruh tarbiyalanuvchisi Fayzulloh va Sarvinoz she’r aytadilar:
– Fayzulloh
– Islom bobom ta’kidlab,
Yilni bizga atadi.
Sog’ bo’lsin deb nabiram,
Hammamizni ardoqladi.
– Sarvinoz
– Yangi yilda barchamizga
Vazifalar juda ko’p.
Xursand etib hammani
Yutuqlar bo’lar mo’l-ko’l.
So’ngra beshta o’quvchi chiqib, she’r aytishadi:

Cценарий мероприятия для месячника русского языка.

– Mirjahon
– Alifbeni tugatdim
Endi o’qiy olaman
So’zlarni qo’shib birga
Jumla to’qiy olaman.
– Malika
Harflarni tanidim,
Yetib oldim siriga
So’zlar tuzsa bo’larkan
Birin qo’shib-biriga.
– Shoxjahon
– Qancha unli, undosh bor,
Hammasini bilaman,
To’plab bilim, zehnimni,
Sizni xursand qilaman
– Sarvinoz
– A’lo o’qish vazifam
Tolmayman o’rganishdan.
Olimlar ham ilmni
Boshlagan “Alifbe”dan.
– Mohinur
– Rahmat aziz ustozim,
Mehringiz dilimizda
Yoshlikda olgan bilim
Nur sochar yo’limizda
Ashula va raqs
To’rtta boshqa o’quvchilar chiqib, yana she’r aytadilar.
– Shaxzod
– O’stirdingiz onajon,
Oq yuvib, oppoq tarab,
Sho’x bulbulday sayrayman,
Zavq bilan yayrab, yayrab.

– Nodira
– Ichga sig’mas quvonchim
Maktabim bag’rin ochdi
Alifbejon kitobim,
Oftob kabi nur sochdi.
– Firdavs
– Alifboni yod oldim,
Harflar tilsim go’yo.
Ona, bola, Vatan, non,
Mazmuni Ungsiz dunyo.
– Moxibonu
– Murg’ak qalbim angladi,
Bitmas ustoz she’rini.
Yuragimda joyladim,
Vatan. Ona mehrini.
– Xonzoda
– Ma’noli shirin so’zi
Oftobday nurli yuzi
Bilmaysizmi bolalar
Qani “Alifbe” o’zi?
– Zarina
– Do’stlar! Qani endi davramizga kimni chorlaymiz?
– Hamma
– Alifbeni
– Bexzod
– Kitoblarning bobosi,
Yo’l boshlovchi donosi.
Har yurakka nur ziyo
Taratish muddaosi
“Ilm ista” – xitobi
Bu – “Alifbe” kitobi.
– Malika
– U borki, yo’llar ravon,
Oshamiz bir-bir davon.
Borayapmiz mardona
Bilimlar yurti tomon
“Ilm ista” xitobi.
Bu – “Alifbe” kitobi!
– O’quvchilar:
– Alifbejon, kel tezroq,
Do’stlaring senga mushtoq
Alifbe kitobi:
Salom aziz mehmonlar,
Shirin-shakar bolalar.
Bugun bayram tantana,
“Alifbe” to’yi bilan sizlarni tabriklayman.

1-Oktyabr bayram tadbiri senariysi

– Izzatilla
– Bugun sizga ko’rsataylik,
Maktabning bor ma’nosini.
Harflarni jamlovchi,
Alifbe muddaosini.
– Go’zal
Chindan qadrdon bo’lding,
Sen – Alifbe kitobim.
Ko’zga go’yo nur bo’lding,
Charaqlagan oftobim!
– Hamma: Senga dildan tashakkur
– Alifbe kitobi:
– Aziz bolajonlar! Siz mendan nimalarni o’rgandingiz?
– Imron
– Eng avvalo assalomni,
Tildan chiqqan kalomni
Joyni bilib so’zlashni
Yaxshilikni ko’zlashni.
– Maftuna
– Dunyoning yorug’ligini
Ulug’ekan oftobni
Vatanning qutlug’ligini
Aziz ekan kitobni.
– Alifbe kitobi
– Balli ey dili oqlar,
Fan bilimga chaqqonlar
Minnatdorman sizlardan
Baxtli o’g’il-qizlardan.
– Xonzoda:
– Birin-ketin tikib ko’z,
– Harflar aytmoq istar so’z!
– “A”-Zarina
– Assalom avvalo aziz jonalon,
Alla aytib katta qilgan onajon!
– “B” – Xonzoda
– Buyuk bobosi bor boshida bu kun,
Butun el taniydi yurtimni bugun!
– “D” – Mirjahon
– Dildan deyman doim jon-tanim,
O’zbekiston – mening Vatanim!

– “E” – X.Shoxrux
– Elim deb, yurtim deb yashayman har vaqt,
El-yurt baxti – mening baxtimdir abad.
– “F” – Sarvinoz
– Fido bo’lsin mayli bu jonim,
Faqat omon bo’lsin ona Vatanim.
– “G” – Shoxjahon
– Gulla go’zal, gulgin diyorim,
Gul maskanim – O’zbekistonim!
– “H” – J.Malika
– Hayotim, hur o’lkam baxtimdir faqat
Hur o’lkam baxti deb yashayman har vaqt
– “I” – Izzat
– Ismingizdir Islom bobojon,
Istiqlolni bergan har qachon.
– “J” – Maftuna
– Jaranglaydi jajji sho’x so’zim,
Jahon tanir bugun ovozim.
– “K” – M.Shoxrux
– Kamolingni kulib kuylayman,
Yurtim jamolingga boqib to’ymayman.
– “L” – Nodira
– Lolaman lov-lov yonar yuragim.
Xalqqa mehnat orzu, tilagim.
– “M” – Muhammadiyor
– Mana men mardona mashxur makonman,
Siz tug’ilib o’sgan – O’zbekistonman.
– “N” – Mohimbonu
– Non aziz, non bilan hayotdir inson,
Non ushog’in ko’zga surgin bolajon.
– “O” – Imron
– Ona yurt onajon – O’zbekistonim
Ona kabi aziz – jonu-jahonim.
– “Y” – Mohinur
– Yillar o’tib, yillar kelibdi,
Yurtim 18 yoshga to’libdi.
– “P” – Diyor
– Poytaxtim – Toshkentim, porlagin yurtim,
Paxtaga kon makon – O’zbekistonim!
– “Q” – Malika
– Qo’limda qalamim she’r bitay sizga,
Onajon doston kam ta’rifingizda.

– “R” – Said
– Roxatbaxsh yurt bir jannatmakon
Rost so’zlasam bu – O’zbekiston
– “S” – Firdavs
– Salom sevimligim, serquyosh diyor
Senga qo’lda, so’zla aytaman alyor
– “T” – Angbin
– To’yingga to’yona tilda dostonim
2200 yoshing qutlug’ Toshkentim.
– “U” – Behzod
– Unutmang, ustozim har bir so’zingiz
Umrbod yodimda ulkan mehringiz.
– “V” – Komila
– Vatanim, volidam va tanda jonim
Vatan ishqi bilan o’tar har onim.
– “X” – Samandar
– Xalqimning ovozi baland har onda
Xumo qushi shod uchar moviy osmonda.
– “Z” – Dilafruz
– Zamonim zo’r, zorim yo’q eldan,
Zamonamni men kuylayman dildan.
– “O’” – Shorustam
– O’zbekman, o’z tamg’am, bayrog’im bor
O’zbek madhiyasi tillarda alyor.
– “G’” – Nigora
– Guruhla g’oliblik bayrog’i qo’lda,
Har elimning madhi jaranglar tilda.
– “Ch” – Rabbimqul
– Chamanning chiroyli guli o’zingiz
Ustozim! Duru-gavhar har bir so’zingiz.
– “Sh” – Sherzod
– Shodman, shamol kabi shoshaman har on,
Bilimlar maskani maktabim tomon.
– “Ng” – Go’zal
– Kuylang, o’ynang, quvnang, shodlaning bu kun,
Bizni qutlang Alifbeni tugatdik bugun.
– “ ’ “ tutuq belgisi – Muhammadiyor
– Kimning kelsa bilgisi,
Menman tutuq belgisi.
– Komila
– Do’st qadrdon alifbo,
Seni o’qib yayradik .
Sendagi harflarni,
Dilimizga joyladik.
– Muhammadiyor
– Sensan mening birinchi
Buyuk ona kitobim,
G’urur bo’lgan qalbimda
Jonajonim oftobim.
– “Alifbe” – kitobi
– Bolajonlar siz mendan
Ko’p narsalar bilibsiz
Bilim to’la konimdan
Duru-gavhar teribsiz.
Fursat yetdi siz bilan
Hayrlashib ketaman.
Do’stim o’qish kitobni
Endi taklif etaman.
– Bolalar:
– Hayr “Alifbe”jonim,
Rahmat yo’llab qolamiz,
Omon bo’lgin biz senga
Oq yo’l tilab qolamiz.
– “O’qish” kitobi musiqa sadolari ostida kirib keladi:
– Salom aziz bolalar
Chiroyli gul bolalar
Menchi “O’qish” kitobman
Nur sochgan oy-oftobman.
Yoningizga keldim men
Kerakligim bildim men.
– Bolalar:
– Kitobim xush kelding sen
Dilni xushnud etding sen.
– “O’qish” kitobi:
– Bolajonlar yuzimni
Iflos qilib qo’ymangiz.
Yirtib zar varag’imni,
Ko’p uyatga qolmangiz/
– Bolalar:
– Kitobim bo’l xotirjam
Ozor bermaymiz hech ham.
– “O’qish” kitobi:
– Men bir chuqur quduqman,
Limmo-limdir suvlarim.
Qonib-qonib ichsangiz,
Bahoingiz – “5” do’stlarim!
– Angbin
– Ey kitobjon tashnamiz,
Tinchlik zilol suvingga
Seni kutar chanqoq dil
Oq poyondoz yo’lingga.
– “O’qish” kitobi:
– Shunchaki o’qish
Qilmas kifoya
Diqqating jamlab,
O’qigin uqib.
Har yer, har joydan
O’qima cho’qib.
– Hamma:
– Xo’p bo’ladi kitobim,
Xotirjam bo’l oftobim.
– Xonzoda
– Rahmat! Aziz mehmonlar!
– Mana o’zingiz guvohi bo’lganingizdek, biz hozirgina “O’qish” kitobi bilan ham tanishib, do’stlashib oldik.
– Zarina
– Endi navbat bayramimizning badiiy qismiga!
Marhamat, tinglab, tomosha qiling.
– X. Shoxrux
– Bo’cha-yu, maktab bizda,
Kamyobdir o’lkamizda.
O’qir quvnoq o’g’il-qiz,
Misoli ko’kda yulduz.
– Dilafruz
– Barchalari idrokli,
Kelajakda yaroqli
Muxandis, olim bo’lar,
Harflarni zo’r bilar.
– Sherzod
– Bugun bayram marhamat,
Hursand qilamiz faqat.
Tabrik she’rlar o’qiymiz,
Dilga mehr ulaymiz.
– Nigora
– Tantana ochiq do’stlar,
Yo’qolsin kam-u-ko’stlar.
Navbat soz, muziqaga
Raqsga tushaylik birga
– Bayram dasturi ketadi

– Xonzoda
– Hurmatli mehmonlar, aziz ustozlar – bizlarga ilk bor qo’limizga qalam olib, 3 oy mobaynida chaqqonlik va bilimdonlik bilan o’qish va yozishni o’rgatgan ustozlarga va
– Zarina
– Bizga shunday zo’r sharoitlarni muhayyo qilib bergan, ustozlarimizning sarboni Xamit otajonomizga o’z dil so’zlarimizni she’riy misralar orqali izhor etmoqchimiz.
– Xonzoda
– Marhamat tinglang, aziz ustozlar:
– Said –direktorga:
– Bog’chani maktab qilgan,
Ish deya kuyib-pishgan
Bag’ri keng, ko’ngli toza,
Hammaga bo’lar doda.
Doim bo’ling salomat
Sizga tilaymiz omad,
Direktorga ming rahmat!
– Mohinur – zavuchga
– Maktab – bog’cha – majmua,
Sizsiz unda volida
Tinim nima bilmaysiz,
Erta-yu – kech tinmaysiz.
Bo’ling doim salomat
Ilmiy mudirga rahmat!
– I.Malika – Gavhar opaga
– Ustoz so’zi ulug’ nom,
Sizga doim ehtirom
Onamizday bo’lasiz,
To’g’ri yo’lga boshlaysiz.
Dars qilmasak koyiysiz,
Lekin yaxshi ko’rasiz.
Gavhar opa ming rahmat
Siz sevgan gul marhamat!
– Rabbimqul – Hilola opaga
– Hilola opam tarbiyachi,
Har sohani o’rgatuvchi
Kirib xonaga asta,
So’zlaydilar orasta.
Dono, zukko bo’ling deb,
Epchil, tanho bo’ling deb,
Hilola opa rahmat
Gulim sizga marhamat!
– Komila – Ruxsora opaga
– Idish-tovoq chinniday,
Xo’p go’zal hanaringiz.
Biz jajji bolalarga
Pokizadir mehringiz.
Ruxsora opa rahmat,
Gulim sizga marhamat!
– Xonzoda
– “Savodxonlik” bayrami
Tugab borar shu onda
Dil so’zlari aytdik biz,
Rahmat deymiz hammaga!
– Zarina
– Ona yurtim omon bo’l,
Shudir yolg’iz tilagim
Sen uchun, Vatan uchun,
Yonib yashar yuragim!
– Xonzoda
– Xayr aziz mehmonlar,
Ota-ona ustozlar,
Barchangizga ming rahmat,
Bo’ling doim salomat!
Tumanimda ko’p maktab,
Yana ko’pdir bog’chalar.
Lekin yakka-yagona,
Hamma:
Budir bizning – majmua!
E’tiboringiz uchun katta rahmat, tabrik uchun so’z majmuamiz rahbari, biz uchun aziz bo’lgan – Xamit Axmat dodamizga

TAMOM!

(Visited 417 times, 1 visits today)
Понравилось? Пожалуйста поделитесь с друзьями.
Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!:

Matn nusxasini olish taqiqlanadi! @sadikovuz